Maputxe herriari buruzko hitzaldia ospatu genuen Añorgako Gaztetxean

 

Añorgako gaztetxeak eta Donostialdeko Askapenak hitzaldia antolatu genuen eta 25 bat lagun bildu ginen. Bertan, internazionalismoaren gako nagusiak azaldu genituen eta brigaden aurkezpena egiteko aprobetxatu zen hitzordua.
Ondorenean, maputxe herriaren inguruan solasean aritzeko aukera eduki genuen. Maputxe herria Txileko erdi-hegoaldean eta Argentinako hego mendebaldean topatzen dugun jatorrizko herria da. Inken inbasioei aurre egin ondoren, espainiar inperioarekin 300 urteko gerra eduki zuen, ondorenean Txileko estatuaren sorrerarekin honi aurre egin behar izan diolarik. Maputxeak beraien lurraren kudeaketa haien eskuetan egotea eskatzen dute, baita maputxe herriak dituen nazio ezaugarriak errespetatuak izan daitezen. Bukaera partean, hainbat galdera egon ziren gaian gehiago sakontzeko aukera eman zigutenak eta balorazio positiboa eginez amaiera eman genion.

Ostiralean Maputxe herria eta internazionalismoaren inguruan solasteko aukera Añorgako Gaztetxean

 

Askapena * E.H
Otsailaren 22a ostirala19:30etan Añorgako gaztetxeak eta Donostialdeko Askapenak hitzaldia antolatu dugu. Bertan, internazionalismoaren gako nagusiak azaltzeaz gain maputxe herriaren inguruan solasean aritzeko aukera edukiko dugu.
Maputxe herria Txileko erdi-hegoaldean eta Argentinako hego mendebaldean topatzen dugun jatorrizko herria da. Inken inbasioei aurre egin ondoren, espainiar inperioarekin 300 urteko gerra eduki zuen, ondorenean Txileko estatuaren sorrerarekin honi aurre egin behar izan diolarik.
Maputxeak beraien lurraren kudeaketa haien eskuetan egotea eskatzen dute, baita maputxe herriak dituen nazio ezaugarriak errespetatuak izan daitezen.
Beraien lurrak bere eskuetan egotearen aldarrikapenak transnazional kapitalistekin etengabeko gatazkan egotera behartu ditu, nagusiki egur arloko, arlo turistikoko eta arlo energetikoko transnazionalekin. Borroka horren ondorioz, hainbat maputxe hilik suertatu dira eta hainbat preso politiko maputxe daude egun kartzeletan. Egun, preso politiko maputxeak gose greban daude, horien artean 60 egun beteko dituen Fernando Millacheo.